3 orë më parëDardan Sejdiu demanton Arban Abrashin: Nga dhimbja e dhëmbit i ka ngatërruar shifrat
Periskopi(9 vite më parë)
(9 vite më parë)Nënkryetari i Vetëvendosjes dhe ish-nënkryetari i Prishtinës, Dardan Sejdiu ka demantuar Arban Abrashin e LDK-së, i cili garon për kryetar të kryeqytetit në balotazh kundër Shpend Ahmetit të VV-së. Abrashi kishte thënë se si ministër i Punës dhe Mirëqenies Sociale kishte shpërndarë dru për familjet në nevojë, por sipas Sejdiut, kjo nuk ka ndodhur për […]
Nënkryetari i Vetëvendosjes dhe ish-nënkryetari i Prishtinës, Dardan Sejdiu ka demantuar Arban Abrashin e LDK-së, i cili garon për kryetar të kryeqytetit në balotazh kundër Shpend Ahmetit të VV-së.
Abrashi kishte thënë se si ministër i Punës dhe Mirëqenies Sociale kishte shpërndarë dru për familjet në nevojë, por sipas Sejdiut, kjo nuk ka ndodhur për çdo vit, por vetëm një herë me ç’rast kishte ndarë 226 metra dru, shkruan Periskopi.
Ndërsa, thotë se Komuna e Prishtinës ka trefishuar subvencionet për kategoritë sociale nga 100,000 në 290 mijë euro. Sipas tij, vetëm në vitin 2007 nga këto subvencione kanë përfituar 2,000 familje.
Reagimi i plotë i Sejdiut:
Abrashi si duket nga dhimbja e dhëmbit ka filluar edhe me i ngatërru shifrat!
Si ministër i Punës dhe Mirëqenies Sociale vetëm një herë në vitin 2015 ka ndarë 226 metra dru në bashkëpunim me shoqatën “Nëna Terezë”, për qytetarët e Komunës së Prishtinës. Jo çdo vit si deklaron ai.
Ndërsa, Komuna e Prishtinës që nga viti 2015 ka trefishuar subvencionet për kategorinë sociale nga 100.000 ne 290.000 EUR. Nga këto subvencione vetëm në vitin 2017 kanë përfituar mbi 2000 familje. Janë shpërndarë me qindra metra dru në sezonin e dimrit gjatë viteve 2014-2016 pa përjashtuar asnjë lagje apo grup etnik në Komunën e Prishtinës.
Sa për krahasim, në vitin 2013 kanë përfituar 350-400 familje (kryesisht punëtor ose të afërm të punëtorëve në Komunë).
Kaq për bararzinë!
