Blendi Fevziu lëshon “bombën”: E kam parë fotografinë…

Prej disa ditësh, opinioni publik po zihen nga dalja në skenë e grupit të Habilajve, të akuzuar për trafik droge.

Në përgjimet e autoriteteve italiane, doli emri i ish-ministrit të Brendshëm Saimir Tahirit, ku më pas prokuroria e Krimeve të Rënda kërkoi arrestimin e tij.

Lidhur me këtë situatë, gazetari dhe moderatori i emisionit “Opinion”, Blendi Fevziu, është shprehur se pritet që dalin në skenë dosje dhe fakte korruptive nga të dyja anët e politikës.

“Nuk kam folur për një video të një kryebashkiaku, por kam folur për një foto të një kryebashkiaku, foto të një ministri të qeverisë me pjesëtarë të familjes Habilaj, foto të cilën e kam parë vetë, por nuk kam pasur mundësi ta publikoj sepse personat që e kanë në dispozicion nuk kanë vendosur akoma ta publikojnë. Por nuk mund të them për përgjegjësinë e ministrit në fjalë, sepse duhet parë në çfarë rrethanash kanë qenë.

Fotoja është bërë në grup, një drekë apo darkë elektorale, në një restorant të Vlorës. Kjo edhe mund të publikohet, siç mund të publikohen përgjimet e një të afërmi të një ministri që janë parë dhe dëgjuar nga një numër i madh gazetarësh. Ka një të vërtetë që fotoja e ministrit është marrë nga filmime nga kamerat e sigurisë së restorantit.” – tha Fevziu duke folur me disa studentë.