Besnik Pula: Ata që thonë se Vetëvendosje i humbi zgjedhjet, po i krahasojnë ‘mollat me dardha’

Analisti i njohur Besnik Pula, në një shkrim për bllogun Sbunker ka replikuar ndaj interpretimit të rezultateve të Zgjedhjeve Komunale. Pakashumë, një pjesë e madhe e analistëve dhe një pjesë e opinionit publik e kishte bërë LDK-në fituese, dhe Vetëvendosjen humbëse – duke i krahasuar këto rezultate me ato të Zgjedhjeve Nacionale të 11 qershorit.

Por, Pula beson që krahasimi i tillë i numrave, i cili u bë edhe nga lideri i LDK-së dhe ai i PDK-së, është krejtësisht i gabuar. Kjo sepse, siç vë re ai, ndryshon në tërësi konteksti. “Kjo llogari në dukje e thjeshtë matematikore injoron faktin se konteksti politik i zgjedhjeve lokale është tjetërfarë nga ai i zgjedhjeve nacionale; se motivi i votës dallon, si për nga çështjet që dalin në pah (komunale, jo nacionale) ashtu dhe për formën e mobilizimit të votës, e cila është më e drejtpërdrejtë dhe, në kontekstin e Kosovës, e varur më shumë nga lidhjet personale e familjare që bëhen të theksuara sidomos në kontekste lokale.” – shkruan ai.

Një tjetër arsye, për të mos krahasuar ‘mollat me dardha’ (fjalë e autorit në fjalë), është edhe fakti se në Kosovë vazhdimisht votuesit në zgjedhje lokale konsiderueshëm më të shumtë se në zgjedhje nacionale. Kjo edhe për shkak të karakterit pakashumë fisnorë e familjarë që e ka shoqëria jonë.

Lexo tekstin e plotë:

https://sbunker.net/s-tatus/89309/krahasimi-i-rezultateve-zgjedhore-ne-nivel-lokal-dhe-nacional/