5 orë më parëBaxhaku përfundimisht mbështetë këtë kandidat për Prizrenin
Periskopi(9 vite më parë)
(9 vite më parë)Pas 10 viteve qeverisje të Partisë Demokratike të Kosovës, Komuna e Prizrenit do të shkojë në balotazh. Mytaher Haskuka nga Vetëvendosje e Shaqir Totaj nga PDK do të përballen në balotazh më 19 nëntor. Më 22 tetor, Lidhja Demokratike e Kosovës u rendit si partia e tretë në Prizren me 19 për qind të votave. […]
Ai ka thënë se si individ përkrahë ndryshimin në Prizren, teksa kritikon qasjen e PDK’së, të cilën e cilëson si shkatërrimtare.
Baxhaku i ka thënë Periskopit se aktualisht po presin certifikimin e rezultateve nga KQZ, ndërsa më pas do të diskutojë me strukturat e partisë se si do të veprojë në balotazh.
“Po presim certifikimin e rezultateve nga KQZ dhe më pas do të ulemi me strukturat e partisë dhe do të diskutojmë se si do të veprojmë në balotazh”, i ka thënë Baxhaku Periskopi.
Ai bëri të ditur se deri më tani nuk është zhvilluar ndonjë takim me strukturat e partisë, teksa tregon se haptas se ai personalisht përkrahë kandidatin e Vetëvendosjes, Mytaher Haskukën.
“Asnjë takim nuk e kemi pasur deri më tani me strukturat lidhur me balotazhin dhe atë se si do të veprojmë. Në fakt është diskutuar se cilat janë pasojat e cilat janë shkaqet e këtij rezultati, por jo për balotazh. Qytetarët dhe unë jemi për ndryshim sepse kjo qeverisje nuk bën me vazhdu në Prizren, sepse është shkatërrimtare dhe e dëmshme për Prizrenin. Unë jam deklaruar edhe haptas se e përkrah ndryshimin dhe jam për kandidatin e Vetëvendosjes, Mytaher Haskuka, por gjithçka varet prej strukturave. Ky është vetëm mendim personal”, ka thënë tutje Baxhaku për Periskopin.
Prizreni është një nga 19 komunat që do të shkojë në balotazh. Në raudin e parë të zgjedhjeve kandidati i PDK’së, Shaqir Totaj ka arritur të sigurojë 29 për qind të votave, pasuar nga Mytaher Haskuka i Vetëvendosjes, me 22 për qind të votave./Periskopi
