Avni Zogiani tregon gjendjen e mjerë të shtëpisë së kulturës në Fushë-Kosovë dhe planet për të (Foto)

Ai ka thënë se pas zgjedhjeve, do ta transformojnë këtë ndërtesë.

Zogiani ka thënë se në këtë ndërtesë e kanë në plan që të ndërtojnë një kinema, ta rithemelojnë teatrin ‘Qëndresa’, një bibliotekë dhe një klub për të rinjtë.

Ja shkrimi i plotë i tij:

 Shtëpia e Kulturës në Fushë Kosovë do të ri-ngritet për kulturen e vendit

Gjendja aktuale e shtëpisë së kulturës është kjo që shifni në foto. Pas 22 tetorit, ne do ta transformojmë tërësisht këtë ndërtesë dhe do të ri-themelojmë Teatrin “Qëndresa”, do ta bëjmë një kinema, një bibliotekë moderne, dhe një klub për rininë në po këtë ndërtesë. Ne do ta parandalojmë planin e administratës aktuale që shtëpinë e kulturës ta rrënojë për t’i lëshuar vend një ndërtese të lartë komerciale, nën arsyetimin se kjo ndërtesë shkatërrohet meqë këtu ka filluar lëzivjen e tij hegjemoniste Sllobodan Millosheviq. Në të vërtetë, ne do të krijojmë edhe një ekspozitë të përhershme me këtë pjesë të historisë, për të treguar se nga ku filloi hegjemonia që shkaktoi shumë luftëra. Arsyetimi i administratës aktuale, vetëm fsheh qëllimin për ta përdorur këtë hapësirë për bizneset e lidhura me zyrtarët e lartë komunal.
#MeMendjeMeZemer