Ahmeti për tubimin në ‘Kodrën e Trimave’: Moti s’kam qenë në një tubim të tillë

Kryetari aktual i Komunës së Prishtinës dhe kandidat edhe për një mandat nga radhët e Vetëvendosjes, Shpend Ahmeti ka thënë se Prishtina po shkon në drejtimin e duhur, shkruan Periskopi.

Ahmeti  në “Analizën Zgjedhore” në televizionin publik ka thënë se gjatë qeverisjes së tij nuk është folur për korrupsion, por për probleme me të cilat përballen qytetarët.

“Po shtojmë shërbime për qytetarët në Prishtinë”, tha tutje Ahmeti.

Ai ka folur edhe problemet e trafikut me të cilat përballet Prishtina.

“Problemi nuk zgjidhet me blerjen e disa autobusëve. Qytetarët akoma nuk e shohin si zgjidhje udhëtimin me autobus. Do të bëjmë linja të reja të autobusëve, bileta që vlejnë për dy orë, shtigje për biçikleta, do të kyçim lagje të reja në trafikun publik e shumë gjëra të tjera”, tha tutje Ahmeti.

“Erdha në një tubim nga ‘Kodra e Trimave’ dhe moti s’kam qenë në një tubim të tillë. Më 22 tetor do ta shohim nëse do të kemi festë spontane në Prishtinë”, vazhdoi Ahmeti.

Në tubimin e mëparshëm në lagjen “Kodra e Trimave” morën pjesë një numër i madh i qytetarëve. /Periskopi