2 orë më parëAhmeti: Me mbi 140 diskutime publike, bashkëqeverisëm me qytetarët
Periskopi(9 vite më parë)
(9 vite më parë)Përgjatë mandatit të parë të qeverisjes, Kryetari i Prishtinës Shpend Ahmeti bashkë me kabinetin e tij e kishin zotim të veçantë vendimmarrjen në lagje, zotim ky që u realizua dhe ndikoi dukshëm në ngritjen e vetëdijes qytetare mbi nevojën e angazhimit direkt për të mirën e përgjithshme. Nga fundi i vitit 2013, Komuna i është […]
Përgjatë mandatit të parë të qeverisjes, Kryetari i Prishtinës Shpend Ahmeti bashkë me kabinetin e tij e kishin zotim të veçantë vendimmarrjen në lagje, zotim ky që u realizua dhe ndikoi dukshëm në ngritjen e vetëdijes qytetare mbi nevojën e angazhimit direkt për të mirën e përgjithshme. Nga fundi i vitit 2013, Komuna i është kthyer qytetarëve, pronarëve të vërtetë të saj.
Për më pak se 4 vite, Komuna e qeverisur nga VETËVENDOSJE! ka mbajtur mbi 140 diskutime publike me qytetarë, ku është folur për problemet e për prioritetet e lagjes, dhe përmes diskutimeve të tilla janë orientuar edhe investimet prej vitit në vit.
Përveç kësaj, është lansuar edhe platformën e veçantë dixhitale për pjesëmarrje në vendimmarrje, ku banorët e lagjes parashtrojnë kërkesat dhe votojnë për prioritetet e investimeve në lagjen e caktuar.
Kontakti i drejtpërdrejtë me qytetarë ka ndihmuar edhe në hartimin e programit qeverisës për mandatin e dytë. Secila lagje, ka dërguar kërkesat e veta, duke i listuar në bazë të prioriteteve. Vendimmarrja e përbashkët mes Komunës dhe qytetarëve, është shkaku i sukseseve të vazhdueshme të Komunës së Prishtinës.
