6 orë më parëAgim Veliu: Nuk do të ketë balotazh në Podujevë
Periskopi(9 vite më parë)
(9 vite më parë)Kryetari aktual i Komunës së Podujevës dhe kandidat për një mandat tjetër, Agim Veliu është shprehur i bindur se nuk do të ketë balotazh në këtë komunë. Në një intervistë për Periskopin, Veliu ka thënë se nuk do ta pranojë balotazhin derisa të ketë një vendim përfundimtar nga KQZ’ja. Veliu i cili ka arritur të […]
Derisa kandidati i LDK’së shprehet i bindur se nuk do të ketë balotazh, kandidati i VV’Së në një deklaratë për Periskopin është shprehur i bindur se do të fitojë në balotazh, në koalicion me qytetarët.
Veliu ka folur në përgjithësi për procesin zgjedhor në Podujevë, teksa e vlerëson pozitivisht rezultatin e tij dhe të partisë.
“Deri të përfundon krejt, unë nuk besoj se shkoj në balotazh. Rezultati është shumë i mirë, kam rritje të votave, kam shtim të votave edhe në parti edhe për kryetar, edhe është rezultati shumë i mirë”, ka thënë Veliu për Periskopin.
Sipas tij, është evidente rënia e kundër-kandidatëve të tij dhe partive të tyre në Podujevë.
“Unë kam pritur që kundërshtarët e mijë do të bien, ashtu siç kanë ra. Rënia e tyre është evidente, ata kanë vota më pak për subjekte politike edhe në Kuvendin Komunal do të kemi një mbështetje të mëdha dhe numrin më të lartë të këshilltarëve. Është mirë puna. Vetëvendosja nuk ka më rritje, ka filluar të bie. Potera është kandidati i dytë se ka mbledhë vota të subjekteve të tjera, po si parti janë në rënie”, ka thënë tutje Veliu.
Në bazë të rezultateve të Komisionit Qendror Zgjedhor, kandidati i LDK’së Agim Veliu ka 48,29 për qind të votave, pasuar nga Ajet Potera i Vetëvendosjes, me 29 për qind të votave./Periskopi
