400 policë nesër në veri të Kosovës

Ministria e Punëve të Brendshme e Kosovës në bashkëpunim me Komisionin Qendror të Zgjedhjeve dhe Prokurorin e Kosovës ka hartuar një plan të veçantë operativ në lidhje me zgjedhjet lokale që do të mbahen nesër.

Zëvendësministri i Punëve të Brendshme, Milan Radojeviq ka thënë për radion serbe “Kontakt Plus” se me këtë rast, 400 policë do të vendosen në veri të Kosovës, transmeton indeksonline.

“Pjesëtarët e policisë tashmë janë vendosur në të gjitha rajonit dhe tashmë po marrin pjesë në sigurimin e vendvotimeve. Në ditën e zgjedhjeve do të ftohen të gjithë policët, pushimet vjetore dhe ditët e lira janë ndërprerë, kështu që presim që të gjithë pjesëtarët e policisë të punojnë sipas planit operativ”, ka thënë Radojeviq.