Zyrtare: Xherdan Shaqiri rikthehet te Basel-i
Futbollisti zviceran me origjinë shqiptare, Xherdan Shqiri është rikthyer në klubin e tij të fëmijërisë Basel. Nënshkrimi vjen vetëm pak orë pasi ai zyrtarizoi ndërprerjen e kontratës me ekipin e MLS Chicago Fire.
Pas 12 vitesh jashtë vendit dhe 13 titujve (dy herë Champions League), një karrierë globale me disa nga klubet më të mira në Evropë dhe me 125 paraqitje për kombëtaren zvicerane të të rriturve, Shaqiri rikthehet në Basel.
Ai ka nënshkruar një kontratë trevjeçare me klubin, deri në verën e vitit 2027.
Drejtori sportiv Daniel Stucki: “Ne kemi biseduar me Xherdan prej javësh dhe jemi jashtëzakonisht të kënaqur që kthimi i tij në Basel më në fund ka funksionuar. Nënshkrimi ishte i mundur vetëm – edhe financiarisht – sepse FCB, por mbi të gjitha vetë Xherdan, e donte shumë këtë rikthim”.
Xherdan Shaqiri: “Më mbush me krenari dhe jam shumë i lumtur që sot mund të kthehem te FCB. Unë kam qenë thellësisht i lidhur me klubin dhe rajonin që nga fëmijëria. Si tifoz dhe sigurisht edhe si lojtar”.
