Zvicra në kërkim për zëvendësuesin e Petkovic, Challandes në mesin e emrave të përmendur

Kombëtarja e Zvicrës është vënë në kërkim të një trajneri të ri, pas largimit të Vladimir Petkovic.

Pas një aventure mjaft të suksesshme në Euro 2020, Petkovic është larguar nga stoli i Zvicrës, duke bërë që Federata Helvete të jetë në kërkim të një trajneri.

Mediet nga Zvicra raportojnë se një nga kandidatët potencialë për të marrë drejtimin e kombëtares është trajneri i Kosovës, Bernard Challandes, transmeton Periskopi.

Në mesin e emrave tjerë të përmendur është edhe Marcel Koller. Po ashtu, Lucien Favre është preferuar, por ky i fundit ka refuzuar postin.

Sipas Nau.ch, kontaktet e para mes Challandes  dhe krerëve të federatës janë bërë.

Mbete të shihet nëse trajneri i Kosovës do ta lë në gjysmë aventurën e tij dhe t’i bashkohet Zvicrës. /Periskopi/