“Zidane e dëshironte punën e trajnerit te Franca”
Ish-reprezentuesi i Francës, Robert Pires, ka konfirmuar se Zinedine Zidane dëshironte të merrte drejtimin e “Gjelave”.
Megjithatë, kjo nuk ndodhi pasi Didier Deschamps rinovoi kontratën deri në vitin 2026, transmeton Gazeta Express.
Kësisoj, Zidane vazhdon të jetë ende trajner i lirë, që nga vera e vitit 2021.
“Ajo që Zidane donte ishte kombëtarja e Francës”, tha Pires në një intervistë për “Canal+”.
Robert Pirès a parlé récemment avec Zinédine Zidane 🗣️
Il confirme que Zizou voulait coacher l’équipe de France 🇫🇷 pic.twitter.com/ZRgWwJO5WK
— CANAL+ Foot (@CanalplusFoot) February 12, 2023
Ish ylli i Arsenalit tha se beson se tani ish-trajneri i Real Madridit do të duhet t’i kthehet menaxhimit të ndonjë skuadre.
Zidane ishte trajner i “Los Blancos” në dy periudha të ndryshme, nga 2016 deri më 2018, si dhe nga 2019 deri më 2021.
Si trajner i Real Madridit, ai fitoi tre tituj në Ligën e Kampionëve dhe dy tituj kampioni në La Liga.
50-vjeçari spekulohet se mund të jetë një nga opsionet për trajner te Paris Saint-Germaini dhe Juventusi, teksa nuk u përjashtua as rikthimi i tij për herë të tretë te Real Madridi.
