Zhduket 25 vjeçarja nga Lipjani, kërkohet ndihmë për gjetjen e saj

Policia e Kosovës ka kërkuar ndihmë për gjetjen e 25 vjeçare, Arianita Gajtani e cila është zhdukur.

Familjarët e saj kanë ndërmarrë disa veprime përgjetjen e saj, por pa sukses dhe kërkojnë ndihmën e qytetarëve.

“Të gjithë ata që kanë çfarëdo lloj informacioni, që ndërlidhet me të, t’i përcjellin ato policisë përmes numrit 192”, thuhet në njoftim

Postimi i plotë:

Kërkesë për bashkëpunim
Me datë 20.11.2024, në polici është raportuar për një person të zhdukur.
Bëhet fjalë për personin, Arianita Gajtani e lindur në vitin 1999, banuese në Lipjan.
Që nga dita e raportimit deri më tani, njësitet policore të hetimeve, kërkimeve si dhe patrullat në koordinim me prokurorinë përkatëse dhe në bashkëpunim të ngushtë me familjarët, kanë ndërmarrë një varg veprimesh si:
-intervistime të personave që mund të ndihmojnë në gjetjen e vendndodhjes së personit,
-kontrollimi i hyrje- daljeve, në të gjitha pikat kufitare,
-kërkime në zona që personi kishte frekuentuar zakonisht (ambiente të mbyllura dhe të hapura),
-analizimi dhe hetimi i çdo lloj informacioni që lidhet me personin etj.
Edhe pse veprimet dhe kërkimet policore janë duke vazhduar, pas marrjes së autorizimit nga ana e prokurorit të shtetit, nga ana juaj kërkojmë kontributin tuaj qytetar.
Të gjithë ata që kanë çfarëdo lloj informacioni, që ndërlidhet me të, t’i përcjellin ato policisë përmes numrit 192.