Deputeti i Lidhjes Demokratike të Kosovës, Armend Zemaj, gjatë një interviste në KlanKosova, nuk e përjashtoi mundësinë që Lumir Abdixhiku të marrë postin e kryeministrit, transmeton Periskopi.

“Nuk është e pamundshme. Hapet pastaj tema e diskutimit – nuk është e pamundshme.”

Sipas Zemaj, LDK, ndonëse është e gatshme të shkojë në zgjedhje, nuk beson se kjo do të ndodhë.

“Nuk mundemi me thanë që nuk jemi të gatshëm se atëherë jemi joserioz. Për mendimin tonë nuk ka zgjedhje, kjo është lojë. Për momentin Kurti duhet me zgjedh kryetarin e Kuvendit dhe me tregu a mundet me bë Qeverinë”.