Zelensky uron Trump për fitoren, thotë se llogarit në mbështetjen e ShBA’së për Ukrainën
Presidenti i Ukrainës, Volodymyr Zelensky, e ka uruar Donald Trumpin për siç ka thënë “fitoren impresionuese në zgjedhje”.
Në urimin e tij, Zelensky ka përmendur takimin që pati në shtator me Trump, derisa tha se e çmon përkushtimin e tij për qasjen për “paqe përmes forcës” kur vjen puna për çështjet globale.
Ai tha se llogarit në mbështetjen e fuqishme të ShBA’së për Ukrainën.
“Rikujtoj takimin tonë të mrekullueshëm me Trumpin në shtator, kur kemi diskutuar në hollësi për partneritetin strategjik Ukrainë – SHBA, Planin e Fitores dhe rrugët për t’i dhënë fund agresionit rus kundër Ukrainës. E çmoj përkushtimin e Trumpit për qasjen për ‘paqe përmes forcës’ kur vjen puna për çështjet globale. Ky është saktësisht parimi që mund të afrojë Ukrainën me paqen. Mezi presim për një epokë të SHBA-së së fuqishme nën udhëheqësinë e Trumpit. Ne llogarisim në mbështetjen e fuqishme dypartiake në SHBA për Ukrainën”, ka shkruar Zelensky në X.
Ai ka thënë se Ukraina, me njërën prej ushtrive më të fuqishme në Evropë, është e përkushtuar për të garantuar paqe afatgjatë dhe siguri në Evropë dhe komunitetin transatlantik, me mbështetjen e aleatëve.
Ndryshe, Trump ka siguruar 267 prej 270 votave të nevojshme të Kolegjit Elektoral për t’u shpallur president. Janë edhe tri vota që e ndajnë nga konfirmimi si president.
Congratulations to @realDonaldTrump on his impressive election victory!
I recall our great meeting with President Trump back in September, when we discussed in detail the Ukraine-U.S. strategic partnership, the Victory Plan, and ways to put an end to Russian aggression against…
— Volodymyr Zelenskyy / Володимир Зеленський (@ZelenskyyUa) November 6, 2024
