Njerëzit që bien në dashuri me një person të çdo gjinie quhen pan-seksualë. Ata që nuk ndihen tërheqës seksualë quhen aseksualë, dhe njerëzit që tërhiqen nga njerëz të tjerë ekskluzivisht në mënyrë romantike quhen pan-romantikë.

Çfarë është demiseksualiteti?

Quhet edhe “gjysmë seksualiteti” ose “seksualitet gri”. Demiseksualët nuk ndiejnë tërheqje seksuale ndaj partnerit, përveç nëse janë të lidhur emocionalisht. Demiseksual është individi që përjeton tërheqje seksuale pas zhvillimit të një lidhje të fortë.

Se, çfarë do të thotë të jesh demiseksual, tregon gazetarja Meryl Williams për ‘Washington Post’.

“Disa vjet më parë, u ndjeva fajtore, pasi kisha frikë nga njerëzit që  takoja. Nuk doja t’u shpjegoja pse nuk jam e gatshme për një marrëdhënie intime … Unë vendos intelektin dhe sensin e humorit përpara se sa tërheqës duket dikush. Nëse burri nuk thotë asgjë fyese dhe arrin të më bëjë të qesh në takimin e parë, me siguri se do të dal përsëri me të. Sidoqoftë, jam e vetëdijshme që cilësitë pozitive të një personi nuk do të thotë se do të ketë tërheqje fizike. Thjesht, duhet të jesh i durueshëm dhe të shohësh se çfarë ndodh, ”shkruan Williams.