Zanfina revoltohet me Përparim Ramën për qentë endacak
Komuna e Prishtinës e ka filluar të hënën aksionin për largimin e qenve endacak nga rruga dhe dërgimin e tyre në strehimore.
“Kryeqyteti me vendim të kryetarit, Përparim Rama, ka nisur aksionin për largimin e këtyre kafshëve nga rruga dhe dërgimin e tyre në strehimore të licencuar nga agjencia e veterinës dhe ushqimit, ku do të trajtohen si duhet dhe përgatiten më pas për adoptim”, thuhet në komunikatën e komunës.
Por pamjet e shpërndara në rrjetet sociale nga strehimorja ku shihen se qentë të vendosur në hapësira të vogla së bashku po lëndohen duke u përleshur mes vete kanë mërzitur dhe indinjuar shumë qytetarë, dashamirës të kafshëve.
Në mesin e atyre që ka ngritur publikisht zërin kundër këtij vendimi është Zanfina Ismaili.
Këngëtarja e njohur ka qenë vazhdimisht e zëshme për të drejtat e kafshëve ndërsa rasti i fundit e ka mërzitur pa fund.
Me një pamje nga strehimorja ku dy qenë shihen duke u përleshur me njëri-tjetrin ajo ka kritikuar të parin e Prishtinës, Përparim Rama duke i kërkuar zgjidhje për situatën e krijuar.
VIDEO KËTU.
