Ymeri: Ka njerëz që bëhen deputetë pa u ekspozuar shumë në publik
Analisti politik Visar Ymeri ka komentuar ecurinë e deritanishme të kandidatëve për deputetë, duke vënë në pah elementët kryesorë që ndikojnë në zgjedhjen e tyre nga votuesit.
Sipas Ymerit, suksesi në garën zgjedhore varet nga disa faktorë, përfshirë angazhimin në debate televizive, prezantimin publik dhe fuqinë e rrjetit të tyre në terren.
Sipas tij, disa kandidatë arrijnë të sigurojnë një numër të konsiderueshëm votash falë mbështetjes së fortë nga komuniteti i tyre, edhe nëse nuk janë shumë të pranishëm në media.
“Ka njerëz që bëhen deputetë pa u ekspozuar shumë në publik, sepse kanë një bazë të fortë elektorale në komunitetin e tyre. Nëse një kandidat siguron 5-6 mijë vota nga vendbanimi apo komuna e tij, i nevojiten edhe pak vota për të kaluar pragun,” shpjegoi Ymeri.
“Mund të kesh përkrahjen e kryetarit apo liderit të partisë, por kjo nuk të siguron as renditjen në listë, e aq më pak fitoren,” tha ai në emisionin ‘Debat Plus’ në RTV Dukagjini.
