Xhemajl Rexha rizgjedhet edhe për një mandat kryetar i AGK-së
Xhemajl Rexha është rizgjedhur edhe për një mandat kryetar i Asociacionit të Gazetarëve të Kosovës, shkruan Periskopi.
Në garë bashkë me Rexhën ishte edhe Mentor Buzhala.
Buzhala përmes një postimi në llogarinë e tij në Facebook i ka uruar suksese Bordit të AGK-së.
“Në një garë fer, është e rëndësishme të pranojmë rezultatin e zgjedhjeve dhe të respektojmë vendimet e secilit votues.
Edhe pse dëshira ime ishte që Xhemajl Rexha të kthehej në emisionin Interaktiv, anëtarët menduan se aty Eraldini është mjaftë i mirë, po ashtu e vlersuan të arsyeshme se Xhema duhet të jetë edhe 3 vjet në krye të AGK-së.
Është e rëndësishme të mbështesim fituesin dhe të shpresojmë për sukses në detyrën e re si kryetar i Bordit të Asociacionit të Gazetarëve të Kosovës, po ashtu edhe të anëtarëve te Bordit”, ka shkruar ai.
