Xhavit Haliti nga vendlindja e tij: Novosella do të jetë simbol i qëndresës dhe i aspiratave të larta për zhvillim të vendit

Kandidati për deputet nga PDK, Xhavit Haliti dje ka mbajtur një takim në vendlindjen e tij në Novosellë.

Haliti i cili në listën zgjedhore mban numrin 14 tha se Novosella do të jetë gjithmonë “simbol i qëndresës dhe i aspiratave të larta për zhvillim dhe përparim të vendit”.

Postimi i plotë:

Vendlindja ime ❤️

Në vendlindjen time të dashur, në Novosellë, çdoherë rikthehem me zemrën plot dhe shpirtin të mbushur me forcë e energji të reja. Kjo tokë, e begatë me traditë e njerëz atdhetarë, të urtë e punëtorë, mbetet burimi i frymëzimit tim të pandalshëm.

Një falënderim i përzemërt për të gjithë bashkëvendasit për mbështetjen dhe besimin e palëkundur ndaj meje dhe ndaj PDK-së.

Së bashku, nën flamurin e PDK-së, Novosella si gjithmonë, do të jetë simbol i qëndresës dhe i aspiratave të larta për zhvillim dhe përparim të vendit.