Xhaka dhe Shaqiri paketojnë valixhet për shtëpi – Portugalia i ‘shkolloi’ me futboll në Katar
Portugalia është kualifikuar në çerekfinale të Kampionatit Botëror.
Portugezët triumfuan 6:1 ndaj Zvicrës në 1/8 e finales, duke dominuar totalisht ndeshjen.
Në të 33-tën, Pepe dyfishoi epërsinë e ekipit të tij, rezultat me të cilin u mbyll pjesa e parë.
Në të dytën u shënuan edhe pesë gola.
Fillimisht Goncalo Ramos shënoi në minutën e 51-të, kurse katër minuta më vonë Guerreiro e shënoi edhe golin e katërt.
Akanji e shënoi golin e nderit për helvetikët në minutën e 58-të të ndeshjes.
Goncalo Ramos e kompletoi hat-trickun e tij në minutën e 67-të.
Krejt në fund, Rafael Leao shënoi për rezultatin 6:1.
Ardon Jashari debutoi në këtë Botëror, kur u inkuadrua në minutën e 89-të të ndeshjes.
Kësisoj, Portugalia në çerekfinale do të përballet me Marokun, i cili e mposhti Spanjën pas ekzekutimit të penalltive.
