Xeni e pranon që s’e ka respektuar karantinën, Policia i ka shkuar në shtëpi
Këngëtari gjakovar, Shkëlzen Jetishi, i njohur gjerësisht si Xeni, ka treguar në një emision televiziv se pasi kishte marrë pjesë në një dasmë në Gjilan, ku kishte kënduar një këngëtar tjetër kosovar, që doli i prekur me Covid-19, kishte bërë test edhe ai, por që kishte rezultuar negativ.
Këngëtari i njohur gjakovar ka treguar se pasi e kishte bërë testin, Instituti Kombëtar i Shëndetësisë Publike të Kosovës i kishte rekomanduar që të qëndronte i izoluar në shtëpi.
Por, ai e ka pranuar se nuk e ka respektuar izolimin, dhe ka dalë në Shkukëz (park në Gjakovë), pas dy ditësh.
Pas kësaj, ai ka rrëfyer se Policia i ka shkuar në shtëpi, e më pas edhe Prokuroria, e cila i ka marrë deklaratë.
“Kam dhënë deklaratë, s’kam qenë në burg, dhe s’kam dalë më”, ka treguar Xeni.
