Xavi flet para Superkupës së Spanjës, i drejtohet gazetarëve: Nëse nuk fitojmë titull sivjet, do të më vrisni

Xavi, trajneri i Barcelonës doli në një konferencë për shtyp këtë pasdite para se të debutonte në Superkupën e Spanjës të enjten në orën 20:00 kundër Betisit në gjysmëfinalen e dytë.

Ndeshja për titull do të luhet të dielën, por tashmë sonte katalanasit do të zbulojnë në finale rivalin hipotetik, i cili do të jetë fituesi i duelit mes Real Madridit dhe Valencias.

Xavi Hernandez: Duam të jemi në finale. Jemi shumë të emocionuar

“Është një titull dhe ne i japim rëndësi. Në këtë format të ri nuk e kemi fituar ende. Jemi në një moment të mirë, mos u shqetësoni, do të përpiqemi të tregojmë personalitetin tonë. Është një titull, ne duam të luajmë të dielën dhe për të fituar finalen”, shpjegoi Xavi Hernandez.

“Nëse nuk ka titull këtë sezon, do të më vrisni”, tha me ironi Xavi para gazetarëve.

Xavi kujtoi se është dy ndeshje larg lavdisë prekëse: “E kemi atje, do të na jepte shumë moral, qetësi dhe besim. Lojtarët janë mirë dhe nuk kemi lëndime, por duhet ta tregojmë në fushë”, përfundoi ai.