VW paguan pjesën më të madhe të dëmeve në skandalin ‘Dieselgate’

Gjigandi gjerman i automjeteve Volkswagen njoftoi sot se po i afrohet fundit të pagesës së kompensimit ndaj pronarëve të makinave në Gjermani, në të cilat ka instaluar një pajisje për falsifikimin e të dhënave për emetimet e dëmshme të gazit.

Deri më tani, më shumë se 750 milion euro janë disbursuar në rreth 240,000 raste, sipas kompanisë gjermane, transmeton KosovaPress.

Platforma në internet në të cilën pronarët mund të aplikojnë për kompensim do të mbyllet më 6 korrik, pas së cilës aplikuesit do të jenë në gjendje të dërgojnë dokumente, siç janë faturat e avokatit, vetëm me postë.

Procedimet e dëmit në Gjermani janë pothuajse të përfunduara, njoftoi Volkswagen.

Disa mijëra kërkesa janë ende duke u vlerësuar ose përpunuar, por shuma totale e pagesave nuk duhet të ndryshojë në mënyrë drastike javën e ardhshme, pretendon VW.

Ata shprehen se mbi 90 për qind të rasteve në të cilat aplikuesit kanë të drejtë në kompensim përfunduan në një zgjidhje.

Në varësi të moshës së automjetit dhe modelit, kompensimi shkon nga 1.350 deri 6.257 euro.

Procedimi gjyqësor u ngrit nga pronarët e automjeteve në Gjermani, të përfaqësuar nga një organizatë për mbrojtjen e konsumatorit, për të shmangur një proces gjyqësor veprimi. Kompensimi paguhet për humbjen e vlerës së automjetit.

Skandali ‘Dieselgate’ shpërtheu në shtator 2015 kur rregullatorët amerikanë njoftuan se kompania kishte instaluar pajisje në makina për të falsifikuar të dhënat e emetimeve. Pajisjet treguan të dhëna të ndryshme në prova sesa kur drejtonin automjetin.

Kompania deri më tani ka paguar miliarda dollarë gjobë dhe dëmshpërblim bazuar në padi dhe zgjidhje.