Visar Azemi kandidat për deputet: Me ju do ta realizojmë ëndrrën e madhe për Kosovën

Visar Azemi është kandidat për deputet nga radhët e LDK-së.

Ai në Facebook tha se Lidhja Demokratike e Kosovës ka një ekip fantastik të kandidatëve për deputetë.

Postimi i plotë:

Të dashur miq dhe qytetarë të Ferizajit,

Këtë vit, Lidhja Demokratike e Kosovës ka një ekip fantastik të kandidatëve për deputetë.

Të gjithë vijnë me angazhim të palodhshëm për zhvillimin dhe përmirësimin e kushteve të jetesës në Ferizaj dhe në gjithë Kosovën.

Ata janë të përkushtuar për të përmirësuar infrastrukturën, shëndetësinë, arsimimin dhe mbrojtjen e interesave të qytetarëve tanë.

Në ‘Turneun e Ndryshimit’ që e mbajtëm mbrëmë në qytetin tonë, prezantuam edhe nominimet për deputetë të LDK-së nga Ferizaji.

Listës i prijë unë, Visar Azemi, kryetar i degës së LDK-së në Ferizaj, Paris Guri, kryetar i Forumit të Rinisë së LDK-së, Bahrije Hyseni, kryetare e Forumit të Gruas në degën e Ferizajit dhe Ibadete Mehmeti.

Ndryshimi po vjen dhe më 9 shkurt, bashkë me ju do ta realizojmë ëndrrën e madhe për Kosovën.