VIDEO: Momenti kur tifozët hodhën karriget jashtë stadiumit të Llapit
Llapi dhe Ballkani e zhvilluan një ndeshje spektakolare sot, të cilën në fund e fituan llapjanët me rezultat 3:2, ku nuk munguan kthesat në rezultat.
Por, hije të keqe këtij takimi spektakolar i qitën tifozët.
Në fakt, pas përfundimit të ndeshjes, pati përplasje mes tifozëve llapjanë dhe të atyre suharekas, ku nuk mungoi as hedhja e gjësendeve dhe i karrigave në anën kundërshtare.
U desh të intervenonte policia, për t’i qetësuar gjakrat, si dhe nuk munguan arrestimet.
Nga disa pamje të publikuara së fundmi, shihet se si tifozët hodhën karriget jashtë stadiumit “Zahir Pajaziti”, duke rrezikuar kështu edhe kalimtarët.
Flora Ahmeti, zëdhënësja e Policisë së Kosovës për rajonin e Prishtinës, ka konfirmuar se janë arrestuar 21 persona të përfshirë në këtë incident.
Ahmeti gjithashtu konfirmoi lëndimin e dy zyrtarëve policorë, si dhe tre tifozëve të përfshirë në incident.
