Vetëm gjashtë skuadra evropiane janë të pamposhtura deri tani – tri prej tyre nga Italia
Ligat evropiane të futbolli po shkojnë drejt xhiros së 10-të dhe tani kur janë luajtur nga shtatë ndeshje, vetëm pak prej tyre kanë shpëtuar pa humbje.
Në xhirot e para të këtij sezoni, janë tri skuadra italiane që nuk kanë pësuar akoma humbje, me Napolin që tregon formën më të lartë në Evropë.
Skuadra e Amir Rrahmanit ka marrë shtatë fitore në shtatë xhiro të Serie A, shkruan Periskopi.
Milan me gjashtë fitore e një barazim dhe Inter me pesë fitore e dy barazime janë dy skuadrat tjera të pamposhtura.
Në anën tjetër, në Angli, Liverpool numëron katër fitore dhe tri barazime, duke qëndruar akoma pa disfatë.
Në kampionatin spanjoll befasishëm është skuadra e Villarreal, e cila anash dy fitoreve numëron pesë barazime, por akoma asnjë humbje, kurse në Bundesligën gjermane, Freiburg numëron katër fitore e tri barazime.
Pra, Napoli, Milan, Inter, Liverpool, Freiburg e Villarreal janë gjashtë skuadrat që akoma nuk kanë pësuar humbje nëpër ligat evropiane. /Periskopi/
