Verstappen reagon pas ngjarjeve të fundit: Aksionet ndaj Red Bull tregojnë natyrën e Mercedes
Max Verstappne beson se aksionet e fundit të Mercedes kundër Red bull kanë treguar natyrën e vërtetë të tyre.
Red Bull dhe Mercedes kanë pasur disa përplasje gjatë këtij viti, me incidentin e fundit që zuri vend në vikendin e kaluar.
Lewis Hamilton ishte dënuar për shkaqe teknike, por arriti të luftonte dhe t’i kthehej fitores.
Gjatë garës, holandezi kishte dalë pak jashtë pistës, dhe me reagimin e stjuartit të Mercedes ka nisur tashmë edhe lufta e skuadrave dhe pilotëve edhe me deklarata.
“Sigurisht, mund ta shihni natyrën e tyre të vërtetë teksa zbulohet”, ka thënë Verstappen, i pyetur nëse Mercedes po tregohen agresivë, transmeton Periskopi.
“Mendoj se është me rëndësi për ne që të koncentrohemi te vetja dhe të kemi fokusin, siç kemi bërë gjithmonë. Pra kështu do të bëjmë edhe në garat tjera”, shtoi holandezi.
Kanë mbetur edhe tri gara deri në fund të sezonit në Formula 1, me vetëm 14 pikë diferencë mes dy pilotëve. Hamilton ose Verstappen do të jetë kampion (i ri) në Formula 1. /Periskopi/
