Vdes në moshën 91 vjeçare gjiganti i muzikës amerikane, Quincy Jones
Në moshën 91 vjeçare, ka vdekur muzicienti dhe producenti Quincy Jones, raporton BBC.
Ai kishte punuar me Michael Jackson, Franka Sinatra dhe këngëtarë tjerë.
Publicisti i Jones, Arnold Robinos ka thënë se ai ka vdekur mbrëmjen e të shtunës në shtëpinë e tij në Bel Air.
“Sonte, me zemra të plota por të thyera, ndajmë lajmin e vdekjes së babait dhe vëllait tonë. Edhe pse kjo është një humbje e pabesueshme për familjen tonë, ne festojmë për jetën e mrekullueshme që ai e jetoi dhe e dimë që nuk do të ketë më asnjë njeri si ai”, thuhet në deklaratën e familjes.
Jones njihet si producent i albumit “Thriller” të Michael Jackson.
Gjatë karrierës së tij ai ka fituar 28 cmime Grammy dhe ishte quajtur një nga influencuesit më të mëdhenj të muzikës Jazz të shekullit 20 nga Time Magazine.
