“Vdekje shqiptarëve” grafiti anti-shqiptar në Bujanoc – reagon Shaip Kamberi

Pas grafitit anti shqiptar në Bujanoc, ka reaguar ashpër deputeti shqiptar në Kuvendin e Serbisë, Shaip Kamberi.

Kamberi ka thënë se këto mesazhe janë shndërruar në përditshmëri, duke theksuar se këto mesazhe janë një tregues i rritjes së tensioneve dhe urrejtjes ndaj shqiptarëve në Bujanoc.

Ai i ka ftuar organet e rendit që të merren me rastin.

Reagimi i plotë:

Mesazh i ri antishqiptar në Bujanoc

Mesazhet kërcenuese për shqiptarët në Bujanoc janë shndrruar në përditshmëri.

Sot, në hyrjen e repartit për fëmijë, në Shtëpinë e shëndetit në Bujanoc, është vendosur ky mbishkrim.
“Vdekje shqiptarëve. Nuk ju duam. Kosova është Serbi”!

Ky është mesazhi i dytë brenda një jave i këtij lloji.

Gjuha e urrejtjes e kërcënimet ndaj shqiptarëve në Bujanoc kan marr hov. Ftoj organet e rendit që të zbardhin rastin në tërësi.