Vdekja e Maradonës vazhdon të mbetet mister, dalin në skenë tre të dyshuar të tjerë – mashtruan me deklaratat

Edhe pse kanë kaluar muaj që nga ndarja nga jeta e legjendës botërore të futbollit, Diego Armando Maradona ende nuk dihet saktësisht se kush është përgjegjës për vdekjen e tij.

Në qendër të hetimeve të gjyqësorit, janë regjistruar tre figura të reja, infermieret Ricardo Almiron dhe Dahiana Gisela Madrid dhe psikologu Carllos Diaz të cilët duhej të monitoronin kushtet e Diego në shtëpinë e tij 24 orë në ditë. Carlos Diaz ishte një nga specialistët që kishte vizituar Maradona disa herë në muajt e fundit të jetës së tij. Sa për infermierët Ricardo Almiron dhe Dahiana Gisela Madrid, ata u regjistruan në regjistrin e të dyshuarve për rolin e tyre si punonjës shëndetësorë dhe dëshmi të rreme pas deklaratave të bëra gjatë marrjes në pyetje të parë

“Kam shkruar në raport që kam kontrolluar shenjat e tij jetike – tha Almiron, i fundit që pa Maradona të gjallë, por ko nuk rezultoi të ishte e vërtetë. Tre të dyshuarit e rinj, për të cilët do të konstatohet përfundimi i përgjegjësisë së “veprimit ose neglizhencës”, do të thirren në zyrën e prokurorit për marrje në pyetje të mëtejshme si dhe kuzhinierja e njohur si Monona (e quajtur Romina Milagros Rodríguez), e cila ishte në shtëpi në momentin në të cilin Diego u gjet i pajetë. Prokurorët gjithashtu i kërkuan gjykatësit leje për të hyrë në dy telefonat celularë që i përkisnin Maradona, të gjetur në shtëpinë e San Andrés në Tigre pas vdekjes së tij. Hapja e telefonave është e nevojshme për të “mbledhur prova të mëtejshme” nga thirrjet hyrëse dhe dalëse në mesazhe dhe regjistrime zëri.