Usyk me mesazh të fortë Furyt: Nëse nuk luftoj me të, nuk do të luftoj fare
Oleksandr Usyk pas fitores me vendim unanim të gjyqtarëve ndaj Joshuas, i ka bërë thirrje Tyson Fury për një meç gjigant me të.
Usyk mbrojti rripat e tij WBA, WBO dhe IBF në një fitore me pikë kundër Anthony Joshua në Arabinë Saudite, shkruan Periskopi.
Kampioni i WBC Fury nuk ka luftuar që kur mposhti Dillian Whyte në prill.
Usyk, i cili ruajti titujt e tij në WBA, WBO dhe IBF, tha: “Jam i bindur se ai dëshiron të luftojë me mua.”
Ukrainasi i pamposhtur shtoi: “Unë dua të luftoj me të. Dhe nëse nuk po luftoj me Tyson Fury, nuk do të luftoj fare”.
Në fillim të këtij muaji, britaniku tha se do dilte në pension. Por 34-vjeçari kritikoi luftën e së shtunës në mediat sociale duke thënë: “Unë do t’i asgjësoja të dy në të njëjtën natë. Bëhuni gati se mbreti është këtu për të qëndruar përgjithmonë”, shtoi ai
Ende nuk dihet se a do të kemi një përballjes mes Uysk dhe Tyson Furyt.
