Urimi i Anwar Hadid në ditëlindjen e 26-të të Dua Lipës: Gëzuar ditëlindjen vajza e ëndrrave të mia
Ylli i muzikës pop, Dua Lipa, kremton sot (e diel) ditëlindjen e 26-të.
Urimet kanë qenë të shumta nga miqtë e familjarët, ndërsa një special nuk ka munguar as nga partneri i saj, modeli Anwar Hadid.
Ky i fundit ka ndarë një postim të këngëtares në InstaStory, përmes të cilit shpreh dashurinë e madhe që ka ndaj saj.
“Gëzuar ditëlindjen vajza e ëndrrave të mia, të dua përgjithmonë”, kanë qenë fjalët e 22 vjeçarit.
Anëar përndryshe është katër vite më i ri se artistja shqiptare.
Çifti janë së bashku që nga vera e vitit 2019, madje atë vit në gusht modeli amerikan ka qenë i pranishëm në Prishtinë në “Sunny Hill” – festivalin e organizuar nga babai i Dua Lipës, Dukagjin Lipa.
Që nga atëherë dyshja janë bërë të pandashëm nga njëri-tjetri.
