United nuk ndalet, fiton me rezultat të pastër ndaj Leicester
Manchester United ka fituar me rezultat të thellë kundër Leicester City. Marcus Rashford (25’, 56’) dhe Sancho (61’) shënuan golat për Djajtë e Kuq duke bërë që ata të vazhdojnë ndjekjen për titull në Angli. Me këtë fitore United ka 49 pikë, pesë më pak se Arsenali në vendin e parë dhe tri më pak se City në vendin e dytë
Manchester United ka vazhduar me formën e mirë në Premier Ligë.
Kësaj radhe ata kanë fituar me rezultat të pastër kundër Leicester City, duke e mposhtur këtë skuadër me rezultat të thellë 3-0.
Rasti i parë në ndeshje ishte ai në minutën e 9-të të ndeshjes kur Barnes i Leicester pranoi një top të mirë në zonën e United por që nuk arriti ta konkretizojë në gol pasi që De Gea bëri një pritje briliante.
Leicester sulmoi në minutën e 21-të me anë të Kelechi Iheanacho i cili po ashtu bëri një goditje që u bllokua nga de Gea që bëri përsëri një pritje të mahnitshme.
Por, United u kthye në lojë dhe ishte Marcus Rashford që mori një top të mahnitshëm nga Bruno Fernandes dhe zhbllokoi sfidën për 1-0 në minutën e 25-të.
Minuta e 37-të ka mundur që të ndryshojë shifrat pasi që Bruno Fernandes lejoi Diego Dalot që ta vazhdojë aksionin por ai për çudi e humbi një mundësi të mirë për të shënuar.
Në pjesën e dytë Djajtë e kuq ishin shumë më të mirë kur në minutën e 49-të Lisandro Martinez goditi shtyllën.
Rashford vazhdonte me sulme të njëpasnjëshme dhe ishte afër për të shënuar në minutën e 51-të por ishte Ward që ia mohoi golin e tij
Por, jo edhe goditjen e tij në minutën e 56-të ku Rashford shënoi golin e dytë personal në këtë ndeshje. Fred bëri një pasim super të mirë për sulmuesin anglez i cili finalizoi aksionin në mënyrë perfektë për rezultat 2-0.
Në minutën e 62-të United do ta shënonte golin e tretë.
Jadon Sancho mori një pasim të mirë Bruno Fernandes duke shënuar një gol të bukur.
United në javën e ardhshme do të luajë në finalen e Carabao Cup duke qenë kështu jashtë angazhimeve në Premier Ligë, derisa Leicester pret në King Power Stadium skuadrën e vendit të parë, Arsenal.
