Ukraina e gatshme të bëjë gjithçka për të arritur paqen
Ukraina kërkon paqen dhe është e gatshme të negociojë për t’i dhënë fund luftës, ka deklaruar udhëheqësi i delegacionit ukrainas, Andriy Yermak, njëkohësisht edhe shef i shtabit të presidentit ukrainas, Volodymyr Zelensky.
“Ne jemi të gatshëm të bëjmë gjithçka për të arritur paqen”, ka thënë Yermak për gazetarët para takimit me homologët amerikanë në Arabinë Saudite.
Delegacioni ukrainas përfshin gjithashtu ministrin e Jashtëm Andriy Sybiha dhe ministrin e Mbrojtjes Rustem Umerov.
Ndër negociatorët amerikanë janë Sekretari i Shtetit Marco Rubio, Këshilltari i Sigurisë Kombëtare Mike Waltz dhe i dërguari i posaçëm Steve Witkoff.
