UEFA nxerr në shitje biletat për finalen e Ligës së Kampionëve dhe Evropa Ligës – Këto janë çmimet
Ka filluar nga UEFA shitja e biletave për finalen e Ligës së Kampionëve dhe Evropa Ligës.
Biletat për finalen e Parisit do të shiten nga 70 euro dhe kjo fillon nga sot me 20 prill e aplikimi është i hapur deri me 28 prill, shkruan Periskopi.
Ndërkaq, biletat për finalen e Seviljes në Evropa Ligë do të jenë më të lira nga 40 euro.
Finalja e Parisit zhvillohet me 28 maj me fillim nga ora 21:00 dhe nga 75 mijë ulëse sa është kapaciteti i stadiumit, 52 mijë tifozë mysafir dhe vendas mund të pajisen me biletë.
Kategoritë e çmimeve të biletave për publikun e gjerë janë: Kategoria 4: 70 €, Kategoria 3: 180 €, Kategoria 2: 490 €, Kategoria 1: 690 €. Biletat e aksesueshmërisë për spektatorët me aftësi të kufizuara ofrohen për 70 € dhe një biletë shoqëruese mund të kërkohet falas.
