UEFA me dënim ‘të butë’ për Serbinë pasi tifozët shfaqën mesazhe politike kundër Kosovës

UEFA ka njoftuar se ka dënuar Kombëtaren e Serbisë me 14,500 euro pasi thyen dy rregulla në humbjen kundër Anglisë në Evropianin 2024.

Serbia u mund 1-0 nga Tre Luanët në ndeshjen e tyre hapëse të Grupit C të dielën mbrëma.

Më pak se 24 orë më vonë u njoftua se UEFA kishte hapur procedurat disiplinore ndaj tyre.

Në një deklaratë të lëshuar thuhej: “Procedimi disiplinor është nisur në përputhje me nenin 55 të Rregullores Disiplinor të UEFA-s (DR) pas ndeshjes së fazës së grupeve të Kampionatit Evropian të UEFA-s ndërmjet Serbisë dhe Anglisë (0-1) të luajtur më 16 qershor 2024 në Gelsenkirchen – Gjermani.

“Akuza kundër Federatës së Futbollit të Serbisë (FSS): Hedhja e sendeve, Neni 16(2)(b) DR, Transmetimi i një mesazhi provokues të papërshtatshëm për një ngjarje sportive, Neni 16(2)(e) DR.

“Organi i Kontrollit, Etikës dhe Disiplinës i UEFA-s (CEDB) do të vendosë për këtë çështje në kohën e duhur. Për më tepër, një Inspektor Etike dhe Disiplinor i UEFA-s do të kryejë një hetim disiplinor në lidhje me sjelljet e supozuara diskriminuese.”

Dhe u konfirmua të mërkurën mbrëma se UEFA kishte gjobitur Federatën Serbe të Futbollit me 4,500 euro për “hedhjen e objekteve” dhe 10,000 euro të tjera për “transmetimin e një mesazhi provokues të papërshtatshëm për një ngjarje sportive”./TheMirror