Por çifti që u ekzekutua ditën e sotme, nuk është i panjohur për publikun, pasi burri një muzikant, ndërsa gruaja mësuese, kanë qenë pjesë e rubrikës “Ka një mesazh për ty’ ne emisionin e TV, “E diela shqiptare’.

Ka qenë Afërdita, e cila, përmes kësaj rubrike, i kërkoi bashkëshortit të saj muzikant, që t’i riktheje dashurisë së tij të madhe: saksofonit.

Historia e tyre

Pas një periudhe emigracioni në Greqi, instrumentisti nga Gjirokastra tregoi se i ishte dashur të shkëputej nga muzika, dhe sado që tani përpiqej, ndiente se nuk po kthehej dot tek dashuria e tij e madhe. Por gjesti i bashkëshortes së tij, Afërditës, e cila kërkoi t’a takonte të shoqin e saj tek ‘E Diela Shqiptare’, arriti të jepte mesazhin për të cilin ajo kishte sjellë saksofonin e tij nga Gjirokastra: ‘Ky saksofon është për ty shumë  i shtrenjtë, por për mua akoma më i shtrenjtë’, i tha ajo Lekos, ‘Dua të vazhdosh të luash me të, sepse ti për të ke lindur’. (Shfletoni galerinë për të parë përjetimet në studion e ‘Ka një mesazh për ty’).

Afërdita rrëfeu se ata ishin njohur në një festë, ku ai po luante me bandën, dhe se kishte qenë dashuri me shikim të parë. ‘Ai është shumë i pashëm’, tregoi Afërdita, ‘Imagjinoni një grua së cilës një burrë ia ngul sytë shumë gjatë. E pastaj, ajo shkon t’i kërkojë që të luajë një valle për të’. Kështu, ata ishin njohur e më pas kishin vendosur të martoheshin. Leko kishte pasur një martesë, ashtu sikurse Afërdita, e cila kishte edhe një djalë 18-vjeçar, Harin, me bashkëshortin e parë me të cilin ishin ndarë shumë miqësisht. Tani, siç tregonte ajo, i biri dhe bashkëshorti i saj i 2-të shkonin shumë mirë. E në fakt, ishte i biri ai që ia kishte sjellë saksofonin në Tiranë, në mënyrë që ai të luante edhe një herë pas shumë kohësh për publikun.

‘Ajo është vajza ime e vogël’ tha Leko, sapo e pa që në anën tjetër të murit të ‘Ka një mesazh për ty’, ishte Afërdita. Mes emocionesh, bashkëshortja i tregoi se me të ishte saksofoni i tij, pa të cilin ‘ajo nuk e kuptonte dot qenien e Lekos’. Drejtuesi Ardit Gjebrea i kërkoi Lekos që të luante një pjesë për publikun, në shenjë premtimi se nuk do të hiqte dorë nga pasioni i tij për muzikën. Interpretimi i tij emocionoi shumë publikun, i cili më pas shpërtheu në duartrokitje.

Por, ditën e sotme, 70-vjeçari Apostol Kosta është konfliktuar dhe ka qëlluar me kallashnikov mbi Aleko dhe Afërdita Kosta, duke I lënë të vdekur, ndërsa më pas ka qëlluar edhe veten.

Ai është dërguar në spital dhe ndodhet në gjendje të rëndë për jetën. /GazetaExpress/

https://www.youtube.com/watch?v=wBdRMdJB_SY