U sulmua fizikisht mbrëmë – Faruk Statovci flet për gjendjen e tij shëndetësore
Analisti dhe trajneri i futbollit, Faruk Statovci, u sulmua fizikisht nga dy persona të maskuar para banesës së tij në Prishtinë, të dielën mbrëma.
Në sulmin i cili ka ndodhur menjëherë pas emisionit “Kampionët”, në orët e para të mëngjesit të së hënës, Statovci pësoi disa lëndime trupore dhe për këtë u trajtua në QKUK.
Statovci, përmes një postimi në llogarinë e tij në “Facebook”, bëri të ditur se gjendja e tij shëndetësore është e mirë.
Trajneri i KEK-ut ka falënderuar edhe të gjithë ata që treguan mbështetje për të.
Postimi i plotë nga Statovci:
“Miq faleminderit shumë për mbështetjen
Ju tashmë jeni të informuar nga mediat vendore rreth situatës që unë kam përjetuar mbrëmë. Ju informojë të gjithëve se gjendja ime shëndetësorë është e mirë përkundër disa lëndimeve të lehta që kam pësuar.
Shpresoj që kjo të jetë ngjarja e fundit jo vetëm për mua.
Edhe njëherë faleminderit për mbështetjet dhe mesazhet e shumta!”.
