Tyson Fury sfidon Anthony Joshua: “Do ta luftoj falas”

Tyson Fury, kampioni i botës në peshën e rëndë, tha se do të tërhiqej pasi mposhti Dillian White, por me kalimin e kohës ai mesa duket ndryshoi mendje dhe do të ishte i gatshëm të vishte përsëri dorezat kundër Anthony Joshua-s, por vetëm me disa kushte.

Përmes Instagramit të tij, ai ka deklaruar se do të ishte i lumtur të përballej me Joshua-n, për sa kohë që lufta të zhvillohet në tokën britanike, pa marrë para asnjëri nga dy luftëtarët, shkruan Periskopi.

“Ky është konfirmim i asaj që unë kam thënë për luftën kundër Anthony Joshua në të gjithë Anglinë”, u tha Fury fansave.

“Lufta duhet të jetë falas, televizioni pa pagesë dhe të gjitha biletat janë falas. Nuk do të ketë para për të fituar nga kjo luftë historike britanike nëse ndodh. Këto janë kushtet, unë jam në krye, merre ose lëre. Topi është në anën tënde, merre ose lëre, sido që të jetë është oferta, paqe.”