Turqia: Tregtia me Izraelin është ndalur deri në armëpushimin e përhershëm të Gazës

Ndërprerja e tregtisë së Turqisë me Izraelin do të vazhdojë derisa të sigurohet një armëpushim i përhershëm në Gaza, si dhe fluksi i papenguar i ndihmave humanitare në rajon.

Kështu tha të premten ministri turk i Tregtisë Omer Bolat, raporton Reuters.

Turqia ndaloi të enjten të gjitha eksportet dhe importet drejt dhe nga Izraeli, duke përmendur “tragjedinë humanitare të përkeqësuar” në territoret palestineze.

Qëndrimi pa kompromis i Izraelit dhe përkeqësimi i situatës në Gaza e shtynë Turqinë të ndalojë tregtinë, tha Bolat në një fjalim në Stamboll ndërsa njoftoi shifrat tregtare të prillit.

Të dy vendet kishin një vëllim tregtar prej 6.8 miliardë dollarësh (mbi 6 miliardë euro) në vitin 2023.

Arrestohet një shtetas i Serbisë në Gjilan, nuk ndaloi pas urdhërit të policisë