Trazira në Francë – Tifozët maroken dhe ata francez përleshen mes veti pas ndeshjes gjysmëfinale
Francë – Argjentinë. Edhe zyrtarisht kjo do të jetë finalja e madhe që do të luhet në kuadër të Kupës së Botës “Katar 2022”.
Derisa mbrëmë Argjentina siguroi kalimin në finale, të njejtën gjë sonte e bëri edhe kampionia në fuqi e botës, Franca.
“Gjelat” zhvilluan sonte gjysmëfinalen e dytë të këtij botërori ndaj senzacionit të kësaj gare, Marokut.
Ndeshja që u zhvillua në “Al Bayt Stadium” i takoi skuadrës së Didier Deschampsit me rezultat të pastër 2:0.
Ashtu edhe siç ishte paralajmëruar, tifozët francezë dhe ata marokenë kanë filluar përleshjet pas ndeshjes gjysmëfinale në Kupën e Botës.
Në mediat franceze raportohet për trazira që kanë nisur në qytetin e Montepellier.
Tifozët francezë dhe ata marokenë kanë filluar me hedhje të mjeteve piroteknike në drejtim të njëra-tjetrës.
Policia franceze e mobilizuar në maksimum për këtë ndeshje ka ndërhyrë për të qetësuar situatën.
#Montpellier : les CRS s’interposent sur la Comédie noyée sous les lacrymogènes… pic.twitter.com/7gl5Rsc0Na
— Midi Libre Montpellier (@MLMontpellier) December 14, 2022
