“Trainkos” del me sqarim për largimin e një punëtori nga puna: E ka refuzuar nënshkrimin e kontratës
Sami Halimi, punonjës me mbi 42 vite përvojë në NP Hekurudhat e Kosovës – Trainkos Sh.A., deklaroi se përmes një mesazhi në telefon është njoftuar për largimin nga puna. Halimi, pretendoi se po përjashtohet padrejtësisht, pasi ka refuzuar ndryshimin e kontratës së tij nga afat i pacaktuar në një kontratë 3-vjeçare.
Lidhur me këtë, me një sqarim ka dalë “Trainkos”.
Ata thonë se punëtori në fjalë nuk është larguar nga puna.
I njëjti sipas tyre ka refuzuar te nënshkruaj kontratën e punës e cila ka pagën e njëjtë sikurse paraprakja por me rastin e sistematizimit i është shuar pozita e punës prandaj kontrata e re vie me terma te ri, detyra tjera te punës për page te njëjtë sipas Rregullores se Sistematizimit e që derivon nga pozita paraprake e punës.
“Punëtori Sami Halimi ka refuzuar të nënshkruaj kontratën e punës pas sistemimit në pozitën Punëtor i Sigurimit Fizik të Objekteve/Aseteve në Transportin e Udhëtarëve, si rezultat i saj ndërmarrja Trainkos sipas procedurave që obligojnë në këtë rast ia ka ndërprere marrëdhënien e punës sipas Vendimit të datës 28.02.2025.”, thuhet në reagimin e “Trainkos”.
“Trainkos” deklaron se punëtori është ftuar që të nënshkruaj kontratën e punës, me datën 04.02.2025, po i njëjti pasi ka pranuar kontratën fizikisht, të njëjtën nuk e ka kthyer e as nënshkruar.
“Me datën 21.02.2025 i është dërguar sms telefonik njoftues se ka kaluar afati i paraparë për nënshkrim të kontratës (njoftimi i punëtoreve ka qenë se afati prej 8 ditësh është periudha për ta nënshkruar ose refuzuar kontratën) edhe përkundër këtij njoftimi i punonjësi nuk është lajmëruar dhe nuk ka pranuar ta nënshkruaj kontratën si dhe në takimet e tij me zyrtarët administrativ nuk ka ofruar ndonjë arsyetim për mosnënshkrimin e kontratës”, thuhet tutje në reagim.
