Tragjedia me 59 viktima në Maqedoninë e Veriut, arrestohen tre persona
Kryetari i Komunës së Koçanit i cili dha dorëheqje dy ditë më parë, si dhe dy persona të tjerë që kanë qenë kryetarë të këtij qyteti në vitet e kaluara, janë arrestuar ditën e sotme.
Sipas raportimeve, janë arrestuar dy ish-kryetarët e Komunës së Koçanit, Nikolço Iliev dhe Ratko Dimitrovski dhe kryetari i dorëhequr, Ljupço Papazov.
Ata dyshohet se e dinin se klubi i natës në të cilin shpërtheu zjarri në orët e para të së dielës së kaluar, ku humbën jetën 59 persona, funksiononte ilegalisht në dhjetë vitet e fundit të ekzistencës së tij dhe ata kishin mbuluar këtë paligjshmëri.
