Njihuni me futbollistin më të shkurtër në botë, për pak të arrestohej pasi pozoi me gra të mbuluara në Arabi
Vetëm 1.54 metra i gjatë, Elton është futbollisti më i shkurtër në botë.
Emri i plotë Elton Jose Xavier Gomes, një mesfushor sulmues i cili ka 16 vite që luan si profesionist… pavarësisht se ai do të ishte nën mesataren e gjatësisë edhe për grupmoshat U14, transmeton Periskopi.
Ai filloi karrierën në Brazil, për të vazhduar pastaj në Evropë te Steaua, pastaj u transferua në Lindjen e Mesme, derisa gjithmonë e dallonte atë nga të tjerët stili unik i driblimeve dhe gjatësia.
Periudhën më të suksesshme e pati në Arabinë Saudite, ku shënoi 48 gola në 121 paraqitje për Al-Fateh, duke e fituar titullin një herë.
Elton tregon kur gati sa nuk ishte arrestuar pasi u fotografua me disa gra.
“Po bëja foto me gra,” shpjegon ai.
“Ato ishin të veshura me të zeza të mbuluara, dhe sigurimi më arrestoi. Më dërguan në veturën e policisë dhe unë u desh ta telefonoja sheikun e klubit.
“Ishte një moment që më frikësoi shumë, por pastaj u mësova me kulturën e vendit.”
Elton, tani 34-vjet, ende luan në Arabi te skuadra Al-Wehda. /Periskopi.com/
