Ish këshilltari i Kurtit ngrit lart kulturën Osmane për homoseksualët: Shumë sulltanë mbanin afër “dylbera”

Ish këshilltari politik i Kryeministrit Albin Kurti në Qeverinë Kurti I, Driton Tali, ka bërë një postim interesant për ditën e Krenarisë.

Ai thotë se kultura e Perandorisë Osmane ka qenë më pranuese e homoseksualizmit me dekriminalizimin e tij që nis qysh në kohën e Tanzimatit, në vitin 1836.

“Nga viti 1858 disa aktivitete homoseksuale u legalizuan në Perandorinë Turke. Kurse nga 1923 homoseksualiteti në Turqi u legalizua tërësisht.” – shkruan z. Tali, përcjell Periskopi.

Kujtojmë se gjatë ditës së djeshme, kryeministri Kurti që vazhdon të mbështetet në mënyrë të zjarrtë nga Tali, nuk mori pjesë në Paradën e Krenarisë në Prishtinë.

Statusi i plotë:

Homoseksualizmi dhe (neo)Osmanët

Sodomia te osmanët nuk konsiderohej mëkat.

“ata jetojnë me harqe dhe shpata duke u kënaqur me skllavrim, vrasje, plaçkitje, kurorëshkelje dhe sodomi”. (Palmas 1294 – 1359).

Shumë sulltanë   në oboret e tyre kanë mbajtë afër vetes “dylbera” (djemë të ri e të bukur).

Nga sulltanët që veçohen janë Pajaziti I, Murati II, Mehmeti II,  Murat i IV…

Është epike dashurie e Mehmetit II (Fatihut – pushtuesit të Konstandinopojes) me djalin Radu (vëllaun e Drakules).

Pastaj vlen të përmenden  vallzuesit e njohur si “köçek” gjatë tërë historisë turke. Këta ishin mashkuj të veshur si femra që vallzonin “çiçek”.

Apo edhe “zenne” vallzuesit.

U zhvillua edhe poezia “Divan” (me poetët si Nedim, Necati etj) e njohur për përshkrimin e dashurisë mes të njejtës gjini (dylberat).

Që nga koha e Tanzimatit (1836) homoseksualiteti filloi të dekriminalizohet.

Nga viti 1858 disa aktivitete homoseksuale u legalizuan në Perandorinë Turke. Kurse nga 1923 homoseksualiteti në Turqi u legalizua tërësisht.

Bile nga vitit 1951 homoseksualët  kishin të drejtë të kerkonin azil në bazë të Konventës së Gjenevës për diskrinimim.