Tottenhami me paraqitje dinjitoze, kualifikohet tutje

Skuadra e Mourinhos, Tottenham ka siguruar një vend në mesin e 16 skuadrave më të mira në Europa Ligë. 

Pas fitoi 4-1 në udhëtim kundër Wolfsberger AC, Tottenhami mori fitore edhe në shtëpi, duke fituar 4-0, për t’u kualifikuar kështu në fazën tjetër me rezultat të përgjithshëm 8-1.

Në këtë mbrëmje shkëlqyen Dele Alli dhe Gareth Bale.

I pari që s’po luan shumë, shënoi një gol të bukur në pjesën e parë në mënyrë akrobatike, derisa Bale, gjithashtu pak minuta në këmbë – shënoi një gol në stilin e tij në minutën e 73-të.

Golat tjerë për Tottenham e shënoi Carlos Vinicius.

Sfidat tjera në Europa League do të zhvillohen të enjten.