Dua, 29 vjeçe, po qëndronte në Ritz-Carlton në Santiago, Kili, ku kishte fluturuar për të xhiruar një reklamë për projektet e saj. Megjithatë, disa fansa të apasionuar, të cilët kishin fituar qasje në katin e saj të hotelit, u gjetën jashtë dhomës së saj dhe të tjerë prisnin në ashensor.

Një burim i afërt tha për mediat: “Gjërat u bënë kaotike kur fansat e dëshpëruar për ta parë e ndiqnin kudo. Disa prej tyre u gjetën jashtë derës së dhomës së saj, ndërsa të tjerët ishin mbledhur përpara ashensorëve.

Pas këtij incidenti, siguria e hotelit mori masa të menjëhershme për të larguar fansat dhe për të rritur mbrojtjen e këngëtares. Dua Lipa kishte vendosur të mos bënte asnjë foto në ambientet e hotelit pas këtij ngjarjeje.

Ky incident vjen pas një rasti tjetër vitin e kaluar, kur këngëtarja ndërpreu provat për Glastonbury pas një shfaqjeje të ngjashme me një person të panjohur që kishte hyrë në hapësirën e saj të provave në Birmingham.

Dua Lipa do të rikthehet në skenë në mars, kur do të nisë pjesën e dytë të turneut të saj masiv në stadiume për të mbështetur albumin e saj të tretë, “Radical Optimism”.