Tensione në Beograd: Xhandarmëria fortifikon ndërtesën e Kuvendit
Është raportuar për incidente e tensione në protestën në Beograd.
Siç ka shkruar Radio Evropa e Lirë, në shërbimin në gjuhën serbe, incident ka pasur nga grupi “i studentëve që duan të mësojnë”. Ky është grupi që po konsiderohet si mburojë për presidentin Aleksandar Vuçiq, transmeton Periskopi.
Është raportuar se nga ky grup ka pasur hedhje të objekteve e mjeteve piroteknike.
Megjithatë raportohet se gjithçka ndodhi brenda zonës së mbrojtur nga Policia.
Rojet e studentëve menjëherë qetësuan situatën dhe krijuan distancë. Edhe N1 ka raportuar për tension te Parlamenti.
