Të gjitha lehonat në Drenas mund të aplikojnë për 100 euro për çdo lindje

Drejtoria për Shëndetësi dhe Mirëqenie Sociale në Komunën eDrenasit njofton të gjitha nënat lehona të Komunës së Drenasit se, sipas Vendimit Nr. 02-400/01-9934 të datës 29.02.2024, është hapur mundësia për aplikim për subvencionim në vlerë prej 100 euro për çdo lindje pas datës 01.01.2025.

Për të përfituar nga ky subvencion, është e nevojshme të dorëzoni dokumentet e mëposhtme:

1. Kërkesën/Aplikacionin (merret në sportelin nr. 10)

2. Fotokopje të dokumenteve të identifikimit të dy prindërve – duhet të jenë banorë të Komunës së Drenasit

3. Ekstraktin e të posalindurit

4. Fletëlëshimin nga institucioni shëndetësor ose kartelën e të posalindurit

5. Certifikatën e Bashkësisë Familjare

6. Konfirmimin e xhirollogarisë bankare

7. Dokumente të tjera sipas nevojës

Vërejtje: Dokumentet e kërkuara nuk duhet të jenë më të vjetra se 6 muaj nga data e lëshimit. Për më shumë informata, ju lutemi drejtohuni në Drejtorinë për Shëndetësi dhe Mirëqenie Sociale.